بسمـك يارب ٍ والـي ٍ ماتوليت=صليت لـه خآشـع وحجيـت بيتـه
يامـن لدينـه صمـت خاضـع وصليـت=ولاغير اسم ربي بشعري بديته
ياعالم ٍ بالحال ماعلنت واخفيـت=ماتجهلـك قصـه زمان ٍ مضيتـه
من بعـد ذكره جبت شعري وسويـت=شعر ٍ على سيسان بيته بنيتـه
بنات فكري هيضني وغنيـت=شعـر ٍ كتبته بالزمان وقريتـه
انا بشـر واخطي وياكثـر ماخطيـت=لاشـك تصليـح الخطاء لاجنيتـه
لاكن عرفت وبالخطاء ماتماديـت=عرفت ماطاء رجلي الي وطيتـه
والنفس عن تعزيزها ماتخليـت=واخذت من وقتي دروس وعطيتـه
كم خابت الهقوات لامن تهقويت=وكم تخطي الاهداف رمي ٍ رميـتـه
وكم لجل خوة بعض الاصحاب ضحيـت=وبالازمه لاحتجت له مالقيتـه
بس المهونه دربها عنه صديت=ودرب ٍ يذل النفس ماقد مشيتـه
لعـز نفسـي مرخصٍ ٍ كل ماغليـّت=بعـت الطمان وعز نفسي شريتـه
خليت لي قدر ومكانه وعليت=عليت نفسي للعلى واعتليـتـه
تهون غلطات الخوي كان خاويت=ادمح خطاء الصاحب وافاخر بصيتـه
كم من عباد ٍ جيتها حي واحييت=مشاعر ٍ فيها من العام ميتـه
تبطي ولاني مرخص النفس لاقفيت=من لايجيني مارجيته وجيته
من دون سبه للزعل ماتراضيت=والي يروح بلا سبب ماحتريته
بعض العباد ارضيه واقول ياليت=يرضاء بعذري عن خطاء مانويته
وبعـض المعارف ودك ترشها فليّـت!!=يكررم وسيع المعرفه لادعيته
ترى الردي لو طبت له ماترديت=يبلاك في بلواه لو مابليته
واطلبـك يالله كل ماصبحت وامسيت=ترحم وتقبل سعيي الي سعيتـّه
عبدالعزيز نواف منور العازمي
ليست هناك تعليقات:
إرسال تعليق
تذكر ومايلفظ من قول الا ولديه رقيب عتيد
„” إبراء ذمه „”
اصحاب المدونة يبرؤون أنفسهم امام الله وخلقه من كل مايقال او يدون فـ♡ـي هذه المدونة